reganosademolizon

Um comunicante anónimo informou dumha sabotagem contra a via férrea que une Vigo com Madrid, à altura da comarca do Ribeiro. A acçom teria-se produzido na madrugada do domingo 3 de Maio e teria consistido num corto-circuito causado mediante o lançamento dum cabo metálico sobre a concatenária.

Esta sabotagem, organizada por anarquistas, viria denunciar a repressom contra "as pessoas presas", e mui especialmente em solidariedade com os presos Amadeu Casellas e Antonio Porto Martín, em greve de fome desde há semanas exigindo a sua posta em liberdade após décadas de reclusom.

Amadeu Casellas

O anarquista catalám leva preso 23 anos, condenado por diversas expropriaçons para financiar os movimentos revolucionários. Preso mui combativo, participou em muitas luitas carcerárias que o levárom a prolongar a sua estadia na prisom. O ano passado mantivo umha greve de fome por 76 em reivindicaçom da sua posta em liberdade, greve que concluíu quando obtivo a promessa dumha rápida libertaçom prévia aplicaçom do terceiro grau. Passados os meses, a promessa revelou-se umha mentira, e agora Amadeu reiniciou a greve de fome o 20 de Abril deste ano, e advirte de que nom voltará a comer até estar na rua.

Antonio Porto Martín

Preso social que se politizou na cadeia, este anarquista leva preso desde 1980, isto é, 29 anos. Após solicitar a refundiçom de todas as condenas numha só de 30 anos, o juiz denegou-lhe este direito comum a todos os reus e decretou que, quando extinga as condenas em 2012, começará a cumprir umha nova condena de 20 anos. Desde há 40 dias está em greve de fome e de pátio no módulo 4 de Valdemoro, o mesmo módulo em que vive o prisioneiro independentista Sánti Vigo. Em solidariedade com a sua luita, o resto dos presos do módulo fam chapeios na cela e jejuns semanais.

Comunicado

O texto íntegro do comunicado é o seguinte:

"A pasada madrugada do domingo 3 de maio, anarquistas sabotean a concatenaria da liña de ferrocarril Madrid-Vigo na comarca de Ribeiro en solidaridade cos presos en folga de fame Amadeu Casellas e Antonio Porto Marín.
A sabotaxe foi realizada cun cable de metal de máis de 3 mm. de grosor lanzado por enriba da concatenaria provocando un cortocircuito na linha eléctrica do ferrocarril.
Mentres exista unha soa persoa presa, non deixaremos de atacar as infraestruturas do poder, mentres ataquedes coa vosa represión non deixará de haber resposta solidaria.
¡Liberdade inmediata para os compañeiros presos!"