A Federación Local de Compostela da CNT decidíu sumar-se á folga de ensino do dia 21 e á manifestación que se vai celebrar en Compostela en contra do "decretazo" e a prol do uso do idioma galego no ensino. É así que chamamos ao profesorado a secundar à convocatória de folga e a participar activamente da mesma, facendo parte da manifestación que sairá desde a Alameda compostelana às 12:00 da mañá do xoves 21.

Se chegamos a esta situación, despois de gastar cantidades millonarias durante anos en equipas de normalización, lingüistas de laboratório, campañas de fomento do uso do idioma galego, conferéncias, etc., entón algo grave está a pasar na cidadanía galega: nen máis, nen menos que aumenta a nosa capacidade para irmos cara o suicidio.

Do mesmo xeito que andamos a defender as rias, os bosques, os rios, as paisaxes, a explotación racional dos recursos naturais, tamén estamos pola defensa e ensino do idioma galego, para que non desapareza, pese a intervención continuada e desastrosa dos políticos.

A este respecto, lembramos que nengún político vai solucionar o problema da desaparición continuada do idioma galego, ben á vista está. É unha responsabilidade das xentes de Galiza, de ninguén máis.

E se decimos que ningún político vai amañar o asunto é porque durante a etapa do Governo PSOE-BNG, un membro da CNT, profesor substituto de Matemática no Instituto "Manuel Murguía" de Arteixo, foi sancionado, expedientado e expulso das listas de traballo por reclamar o cumprimento da lei, que non era outro que dar as áulas en galego cos correspondentes libros de texto en idioma galego.

Sabemos ben que con este Governo do PP a situación pode ir a pior, de feito xa crearon un novo problema nas aulas, nos Institutos, nos centros de ensino, entre o profesorado, todo a maior glória imperial.

Non agardamos nada deste Governo. Tampouco confiabamos no anterior. Este é un problema cidadán.

Amor e raiba

Perante a campaña que leva a cabo o governo do PP contra o Galego, a palabra que nos ven á mente é raiba contra o “decretazo” que atenta dunha maneira disconforme contra língua maioritária dos traballadores e traballadoras da Galiza.

Mais isto non é novo, é a continuidade da política lingüística levada a cabo desde a morte do ditador, dos governos sucesivos da direita continuando co “bipartito”, que non fixeron mais que abocar ao Galego a unha morte morrida, pois foi e segue a ser unha política de auto-complacéncia, que non resolve o problema principal, que é a perda contínua de falantes; e mesmo chegaron a secuestrar algún infome, que resultaba negativo para os seus intereses, como foi o caso da RAG no 2002.

A este respeito, lembramos que nengún político vai solucionar o problema da desaparición continuada do idioma galego, ben á vista está. É unha responsabilidade das xentes de Galiza, de ninguén máis.

E se decimos que nengún político vai amañar o asunto é porque durante a etapa do Governo PSOE-BNG, un membro da CNT, profesor substituto de Matemática no Instituto “Manuel Murguía” de Arteixo, foi sancionado, expedientado e expulso das listas de traballo por reclamar o cumprimento da lei, que non era outro que dar as áulas en galego coscorrespondentes libros de texto en idioma galego. Este compañeiro terá xuízo o dia 9 de Febreiro.

Sabemos ben que con este Governo do PP a situación pode ir a pior, de feito xa criaron un novo problema nas áulas, nos Institutos, nos centros de ensino, entre o profesorado, todo a maior gloria imperial

Fala-se continuamente nos meios de comunicación de conflitividade escolar e a Xunta con este decreto o que fai é botar unha bomba de reloxaria nos centros, en vez de fomentar a convivéncia e un ensino de calidade, abona-se o terreo a mais fracaso escolar, menor capacitación do alunado e mais manga ancha ao ensino privado que xa se leva mais da metade do orzamento de educación na Galiza.

A cuestión é introducir unha outra língua extranxeira no currículo das diferentes matérias (trilingüismo?), que primaria ao profesorado que dera aulas “en inglés” nos concursos de traslados. Supomos que esta toleria non pode ir adiante porque vulnera tamén leis e decretos estatais sobre o acceso a función docente.

O ensino o que ten que garantir é o coñecimento do galego para así poder decidir, se non se garanten as “competéncias lingüísticas” da nosa língua non hai de facto liberdade de uso: non se pode ser libre de decidir sobre algo que se descoñece.

O “decretazo” incumple sentenzas do TSXG e as própias leis feitas por eles: a Constitución, o Estatuto, a Lei de Normalización Lingüística... e ademais introduz un factor perigoso que é o que os pais e nais decidan sobre a língua veicular do ensino e nas diferentes matérias.

Do mesmo xeito que andamos a defender as rías, os bosques, os ríos, as paisaxes, a explotación racional dos recursos naturais, tamén estamos pola defensa e ensino en idioma galego, para que non desapareza, pese a intervención continuada e desastrosa dos políticos.

Non se pode permitir esta nova agresión contra o Galego, temo-nos que opor a calquera política que contribua à marxinalización e desaparición do idioma da nosa xente, para que o uso do galego sexa habitual en todas as instáncias e non un obxecto de museu.

A CNT vai a folga porque estamos che@s de amor e raiba.