Cando no ano 1976 Amadeu Casellas, obreiro politicamente comprometido, pertencente á CNT dende os tempos da clandestinidade, comezou a súa carreira de expropiador de bancos, sen dúbida asumía o risco de seren apresado.

Cando entrou na cadea por vez primeira, no ano 1979, nin el nin ninguén podía imaxina-lo folletinesco periplo que alí comezaba. Torturas, folgas de fame, dous anos escasos de liberdade partidos por senllas reincidencias e recaídas nas mans da “xustiza”, montaxes acusatorios e negación de dereitos.

Cada vez que afronta unha nova folga de fame, para solicita-los “privilexios” que incluso un sistema cruel como o sistema penitenciario (neste caso, o catalán, por transferencia do Estado español) é consciente de que alí se xoga a saúde e a vida, incluso. Cumpridas as tres cuartas partes da súa condena e tras 76 días dunha das máis de 50 folgas de fame que Amadeu ten iniciado, o 5 de setembro de 2008 conseguiu o compromiso do Valedor do Pobo de Catalunya de que se revisaría o seu expediente, para recupera-la concesión de permisos penitenciarios e acada-lo tercer grao, como lle correspondía.